XX. mendeko Euskararen Corpus estatistikoa

Testuingurua

5) Jai-eguneko gaua.

Samur argia da gaua. Aizea lo datza,
ta teillatuetan eta baratzetan ames dagi
illargiak gozo-gozo, urriñeko mendi-gaiñak
disditsu jarririk. Mututasunean dagoz
kaleak, eta balkoien atzetik, oi Maite!,
gabeko argontziak alaikor argi dagie.

Zu lotan zagoz zeure etzangu baketsuan,
lo arin errezari emona; ezertxoren kezkak
ez dautsu maurik egiten; etzara, bear bada,
gogoratzen ni biotzean zauritu ninduzunik.

Lo dagizu, nik zeru-azpi dizdizez betea
ta antxiñako Izadi guztiz altsua,
berezko leia biziz gartuta, luze bai luze
samin-erpartean ikusi bitartean.